Дні Беларусі ў Сібіры пройдуць на наступным тыдні.

        Як паведамілі ў беларускім пасольстве ў Расіі, фармат мерапрыемства прадугледжвае ажыццяўленне самай маштабнай за ўвесь час супрацоўніцтва Беларусі і рэгіёнаў Сібіры прэзентацыі магчымасцей айчынных галін машынабудавання, сельскай гаспадаркі, хіміі і нафтахіміі, будаўніцтва, лёгкай і харчовай прамысловасці, развіцця інфармацыйных тэхналогій, а таксама дасягненняў беларускіх рэгіёнаў. Запланавана кантактна-кааперацыйная біржа дзелавых колаў Беларусі і Расіі. Пройдуць таксама круглыя сталы па розных напрамках двухбаковага ўзаемадзеяння, канферэнцыі па навукова-тэхнічным і інавацыйным супрацоўніцтве.