Беларусь і Аргенціна разгледзелі магчымасці пашырэння дагаворна-прававой базы.

         Адбылася сустрэча пасла Беларусі ў Аргенціне Віктара Козінцава з субсакратаром па знешняй палітыцы Міністэрства замежных спраў і культу Аргенціны Марыяй Каралінай Перэс Кальмана. У цэнтры ўвагі былі пытанні пашырэння дагаворна-прававой базы паміж Беларуссю і Аргенцінай, рэалізацыі сумесных эканамічных праектаў, навукова-тэхнічнага супрацоўніцтва, а таксама сувязей з беларускімі суайчыннікамі, якія жывуць у Аргенціне. Акрамя таго, бакі разгледзелі шляхі актывізацыі ўзаемадзеяння ў міжнародных арганізацыях.