Беларускі Чырвоны Крыж адкрые гарачую тэлефонную лінію для прыбыўшых з Украіны.

    
      Беларускі Чырвоны Крыж рыхтуецца адкрыць гарачую тэлефонную лінію для прыбыўшых з Украіны ў нашу краіну, -  паведаміў БЕЛТА генеральны сакратар Беларускага таварыства Чырвонага Крыжа Віктар Калбанаў. Гарачая лінія з кароткім нумарам 201 пачне працаваць ужо на наступным тыдні. Чакаецца, што сярод абанентаў будуць жыхары "гарачых" украінскіх рэгіёнаў, якія маюць намер прыехаць у Беларусь, а таксама людзі, якія прыбылі з Украіны і знаходзяцца на тэрыторыі нашай краіны. Па гэтым нумары могуць тэлефанаваць і жыхары Беларусі, якія хочуць аказаць дапамогу вымушаным перасяленцам з суседняй краіны грашовымі сродкамі, адзеннем і прадметамі першай неабходнасці для жыхароў Украіны, якія знаходзяцца на тэрыторыі краіны.