У Магілёве пройдзе міжнародны інвестфорум "Магілёўская вобласць - шлях да поспеху".

       VII Міжнародны інвестфорум "Магілёўская вобласць - шлях да поспеху" пройдзе ў Магілёве ў лістападзе, паведамляе БЕЛТА. Падчас мерапрыемства будуць прадстаўлены інвестыцыйныя перавагі, умовы вядзення бізнесу ў свабоднай эканамічнай зоне "Магілёў", перспектыўныя інвестпраекты і прапануемыя для іх рэалізацыі пляцоўкі. Чакаецца, што ў рабоце форуму прымуць удзел дэлегацыі дзелавых колаў Аўстрыі, Літвы, Турцыі, Кітая і Амерыкі, прадстаўнікі банкаў, дзяржаўных і недзяржаўных арганізацый, уласнікі і топ-менеджары буйных беларускіх і замежных кампаній.