Мазамбік можа стаць адной з апорных кропак для Беларусі ў Афрыцы.

       Мазамбік можа стаць адной з апорных кропак для Беларусі ў Афрыцы. Пра гэта Прэзідэнт Беларусі Аляксандр Лукашэнка заявіў на сустрэчы з прэм'ер-міністрам Мазамбіка Алберту Вакіна. Кіраўнік беларускай дзяржавы выказаў надзею, што па выніках візіту бакі дасягнуць значнага прагрэсу ў двухбаковых адносінах. Па словах Прэзідэнта, паспяховаму развіццю гэтага працэсу, у тым ліку, можа спрыяць гісторыя адносін, якая бярэ пачатак з савецкіх часоў. Аляксандр Лукашэнка падкрэсліў, што Мазамбік з'яўляецца вельмі перспектыўнай і багатай дзяржавай, перш за ўсё, сваімі нетрамі.
У сваю чаргу Алберту Вакіна адзначыў, што існуе шмат напрамкаў, па якіх Беларусь і Мазамбік маглі б супрацоўнічаць, і гэта, у тым ліку, сфера сельскай гаспадаркі і вытворчасць сельскагаспадарчай тэхнікі. Актыўнаму развіццю кантактаў спрыяюць палітычныя і дыпламатычныя адносіны, якія склаліся паміж бакамі.