У Лондане адкрываецца буйнейшая выстаўка карцін Казіміра Малевіча.

      Буйнейшая за апошнія 30 гадоў выстава твораў сусветна вядомага мастака-авангардыста Казіміра Малевіча адкрываецца ў Лондане. Экспазіцыя ў 12 залах знакамітай галерэі Tate Modern прадоўжыцца да 26 кастрычніка. На выставе "Малевіч" прадстаўлена больш як 400 карцін у храналагічным парадку. Работы прывезены з Расіі, ЗША, Нідэрландаў, Францыі. У Лондане ўпершыню пакажуць і знакамітыя версіі "Чорнага квадрата", дастаўленыя з Масквы і Санкт-Пецярбурга. Гэта першая сур'ёзная выстава Малевіча ў Злучаным Каралеўстве. Казімір Малевіч - заснавальнік супрэматызму. У 1919 годзе Малевіч прыехаў у Віцебск выкладаць у Народнай мастацкай школе, арганізаванай Маркам Шагалам. Тут ідэі супрэматызму, да гэтага часу распрацаваныя Малевічам тэарэтычна і канцэптуальна, атрымалі далейшае развіццё.