У Мінску выставяць самы вялікі ў свеце габелен.

       Карціна сплецена з 806 кіламетраў шарсцяных нітак. Палатно важыць каля 300 кілаграмаў, а па вышыні роўнае шасціпавярховаму дому. "Габелен стагоддзя" ў выкананні народнага мастака Беларусі Аляксандра Кішчанкі трапіў у Кнігу рэкордаў Гінеса. Але з-за гіганцкага памеру твор выстаўлялі ўсяго шэсць разоў. На гэты раз шэдэўр у сваіх інтэр'ерах размясціў цэнтральны офіс Банка развіцця. На палатне вытканыя больш як 80 партрэтаў легендарных персон - Эйнштэйна, Хемінгуэя, Чэрчыля, Гарбачова. Унікальны твор прызнаны нацыянальным набыткам.