Аляксандр Лукашэнка і Міхаіл Мясніковіч абмеркавалі вынікі візіту прэм'ер-міністра ў Кітай

Прэзідэнт Беларусі Аляксандр Лукашэнка і Міхаіл Мясніковіч абмеркавалі вынікі візіту прэм'ер-міністра ў Кітай, продаж айчыннай прадукцыі і сітуацыю ў дрэваапрацоўцы. Паводле слоў прэм'ера, істотных зрухаў у ажыўленні эканамічнага росту пакуль не назіраецца. Аднак добрыя тэмпы - у гандлі калійнымі ўгнаеннямі і прадукцыяй машынабудавання. Што да нядаўняга візіту ўрадавай дэлегацыі ў Кітай, то размова ідзе пра пераход на прынцыпова новы ўзровень супрацоўніцтва - ад таварна-крэдытнага - да інвестыцыйнага. У якасці інвестараў на беларускім рынку ўжо плануюць працаваць шэраг буйных кітайскіх кампаній. У найбліжэйшы час яны наведаюць нашу краіну.