Беларусь і Кітай дамовіліся стварыць гандлёва-лагістычны цэнтр

Беларусь і Кітай дамовіліся стварыць гандлёва-лагістычны цэнтр. Пра гэта ў інтэрв'ю кітайскай газеце China Daily ў Пекіне паведаміў прэм'ер-міністр Беларусі Міхаіл Мясніковіч.

Па яго словах месца яшчэ не вызначана , але гэта можа быць адзін з аэрапортаў на мяжы з Еўрапейскім саюзам - у Брэсцкай або Гродзенскай абласцях. 

Ён лічыць, што гэта быў бы новы падыход для таго, каб тавары з Кітая па дастаткова эфектыўным лагістычным патоку паступалі не толькі ў Беларусь, але і ў аб'яднаную Еўропу.

У сувязі з гэтым Міхаіл Мясніковіч заклікаў кітайскія кампаніі прыняць актыўны ўдзел у рэалізацыі гэтага праекта, каб больш актыўна прасоўваць інтарэсы кітайскіх таваравытворцаў.