Прэзідэнт Беларусі Аляксандр Лукашэнка сустрэўся з Патрыярхам Кірылам і кіраўнікамі памесных праваслаўных цэркваў, якія прыбылі ў Беларусь на святкаванне 1025-годдзя Хрышчэння Русі.

         Аляксандр Лукашэнка адзначыў, што канструктыўная пазіцыя Рускай праваслаўнай царквы дапамагае грамадзянам захоўваць вернасць адзіным гістарычным караням і добрым запаветам продкаў. Па яго словах гэта з'яўляецца моцнай дапамогай тым інтэграцыйным працэсам, якія развіваюцца на постсавецкай прасторы.        
        Таксама Патрыярх Маскоўскі і ўсяе Русі Кірыл прыняў удзел ва ўрачыстасцях ў Беларускай сталіцы. У цэнтры Мінска прайшоў хрэсны ход, калона вернікаў і духавенства прайшла ад стэлы "Мінск - горад-герой" да Мінскага замчышча, дзе  адбылася літургія пад адкрытым небам. Яе ўзначаліў Патрыярх Александрыйскі Феадор. На службу сабраліся тысячы людзей. На Мінскім замчышчы прайшла і цырымонія закладкі памятнай граматы ў гонар 1025-годдзя Хрышчэння Русі.