У Магілёве стартуе міжнародны маладзёжны тэатральны форуму M@rt.контакт-2014.

Свае пастаноўкі прывезлі трупы з 9 краін. Дэбютанты фестывалю - тэатры з Англіі і Італіі. На працягу тыдня будуць працаваць пяць сцэнічных пляцовак, а таксама класы маладой рэжысуры.

Сёлета форум не адступіць ад сваіх традыцый - усё для моладзі і аб моладзі. Калі апошнія два-тры гады ўпор рабіўся на чытанне сучаснай драматургіі, на эксперымент, то зараз у аснове пастановак будзе замежная і беларуская класіка, але ў нетрадыцыйнай інтэрпрэтацыі. Гледача чакаюць рознажанравыя спектаклі. Гэта вулічны тэатр, даследчы, эксперыментальны, музычныя і пластычныя пастаноўкі.