Беларусь зацікаўлена ў выбудоўванні ўзаемавыгадных адносін з ЕС, адзначыў начальнік упраўлення агульнаеўрапейскага супрацоўніцтва МЗС Беларусі Дзяніс Сідарэнка на інфармацыйным мерапрыемстве "ЕС-Беларусь: погляд у мінулае і будучыню". Ён таксама звярнуў увагу на тое, што зараз  ЕС з'яўляецца асноўным донарам міжнароднай тэхнічнай дапамогі. Дзяніс Сідарэнка выказаў надзею, што адзначаная ў апошнія гады тэндэнцыя росту аб'ёмаў тэхнічнай дапамогі атрымае развіццё ў 2014-2020 гадах.