Вынікі акцыі "Нашы дзеці" падвялі ў Міністэрстве адукацыі. Амаль мільён усмешак і 6,5 тысячы святочных канцэртаў. Сёлета на падарункі і матэрыяльную дапамогу дзецям па ўсёй краіне было пераведзена амаль 23 мільярды рублёў. Ахапілі ўсе без выключэння дзіцячыя дамы і дамы сямейнага тыпу, бальніцы, прытулкі і нават калоніі для непаўналетніх. Усяго за час акцыі павіншавалі 900 тысяч маленькіх беларусаў.