Кітайская карпарацыя СITIC Construction пераходзіць на новы ўзровень адносін з Беларуссю. Зараз кампанія будзе займацца не падраднай дзейнасцю, а інвестыцыйнай. Пра гэта ішла размова на сустрэчы прэм'ер -міністра Беларусі Міхаіла Мясніковіча і старшыні праўлення СITIC Construction Хун Бо. Пры ўдзеле кітайскай кампаніі ў Беларусі ўжо рэалізавана некалькі буйных праектаў. Зараз прадстаўнікі СITIC разам з беларускімі міністэрствамі працуюць па шэрагу новых праектаў. Бакі дэталёва абмеркавалі пытанні рэалізацыі новых праектаў з улікам пэўных рызык і перспектыў. Некаторыя пытанні ўдалося вырашыць нават падчас сустрэчы. Як адзначана, гарантам якаснай рэалізацыі праектаў паслужыць добры ўзровень узаемаразумення партнёраў.