Фестываль аб'яднае 34 пляцоўкі ва ўсіх акругах расійскай сталіцы. Урачыстае адкрыццё беларускага кірмашу адбудзецца 21 снежня. Наведвальнікі змогуць набыць сувеніры з Беларусі, калядныя далікатэсы, пакаштаваць стравы нацыянальнай кухні, наведаць шакаладны бар, убачыць прадстаўленне тэатральнай групы касцёла святых Сымона і Алены і іншыя канцэртныя нумары. На пляцоўцы перад кірмашом будзе абсталяваны міні – каток і арганізавана прэзентацыя мінскага чэмпіянату свету па хакеі з шайбай. У Маскву прыедуць таксама гандляры з Вены, Прагі, Капенгагена, Рыгі, Бруселя, Берліна, Страсбурга, Ерэвана і Кіева. Расію на фестывалі прадставяць больш чым 20 гарадоў. Чакаецца, што фестываль наведаюць звыш 10 млн. чалавек.