Турыстычны кластар "Паўночныя Афіны" ствараецца ў Смаргонскім раёне пры падтрымцы праекта "Мясцовае прадпрымальніцтва і эканамічнае развіццё" , які рэалізуецца ПРААН пры каардынацыі Міністэрства спорту і турызму Беларусі. Стварэнне кластара будзе спрыяць развіццю прыватнага экатурызму, турысцкай інфраструктуры, павышэнню і разнастайнасці турыстычных паслуг, інфармацыйнаму аснашчэнню аб'ектаў экатурызму. У планах - рэстаўрацыя Крэўскага замка і стварэнне музея ў яго Княжацкай вежы, развіццё турыстычнай інфраструктуры ў Залессі і Крэве, развіццё матэрыяльна-тэхнічнай базы сферы культуры, распрацоўка турыстычных маршрутаў, экскурсій на замежных мовах.