Беларусь будзе дакладна выконваць дамоўленасці з Балівіяй, дасягнутыя на вышэйшым узроўні. Пра гэта паведаміў міністр замежных спраў Беларусі Уладзімір Макей на сустрэчы з балівійскай дэлегацыяй, якую ўзначальвае кіраўнік Адміністрацыі прэзідэнта Балівіі Хуан Рамон Кінтана Таборга. Паводле слоў Уладзіміра Макея, першае пасяджэнне сумеснай беларуска-балівійскай камісіі па гандлёвым і эканамічным супрацоўніцтве ў Мінску - знакавая падзеяй у развіцці ўзаемавыгадных адносін паміж Беларуссю і Балівіяй. Сустрэча Аляксандра Лукашэнкі з прэзідэнтам Балівіі Эва Маралесам восенню гэтага года была вельмі значнай у гісторыі двухбаковых адносін. Прэзідэнты вызначылі курс, па якім будуць рухацца ў развіцці супрацоўніцтва, - сказаў Уладзімір Макей. Паводле яго слоў, Беларусь мае намер дакладна прытрымлівацца выбранага курсу на ўсебаковае пашырэнне беларуска-балівійскіх сувязей. Міністр канстатаваў, што цяпер двухбаковы тавараабарот не вялікі, але ёсць падставы для таго, каб павялічыць гэты паказчык.