Беларусь зацікаўленая ў працягу праектаў тэхнічнага супрацоўніцтва з Міжнародным агенцтвам па атамнай энергіі (МАГАТЭ). Аб гэтым  паведамілі ў Дзяржатамнаглядзе па выніках візіту ў нашу краіну дырэктара аддзела Еўропы дэпартамента тэхнічнага супрацоўніцтва сакратарыята МАГАТЭ Манасе Петэра Салема. 
        На сустрэчы з высокім госцем было адзначана, што для беларускага рэгулятара, ён перажывае перыяд станаўлення разам з новай ядзернай энергетыкай, тэхнічнае супрацоўніцтва з МАГАТЭ -- неацэннае.
       Прадстаўнік міжнароднай арганізацыі ў рамках візіту наведаў Палескі дзяржаўны радыяцыйны запаведнік і навукова-даследчае прадпрыемства "Інстытут радыялогіі".