Міністр міжнародных сувязей і супрацоўніцтва Паўднёва-Афрыканскай Рэспублікі Маіце Нкоана-Машабане 3 верасня наведае з афіцыйным візітам Беларусь. Запланавана яе сустрэча з міністрам замежных спраў Беларусі Уладзімірам Макеем. Пройдуць таксама перагаворы ў пашыраным складзе.
Будуць абмеркаваны пытанні далейшага развіцця беларуска-паўднёваафрыканскага супрацоўніцтва ва ўсіх сферах, перш за ўсё ў гандлёва-эканамічнай. Бакі звераць гадзіннікі па найбольш актуальных пытаннях міжнароднага парадку дня.