Навукоўцы праводзяць маніторынг колькасці занесеных у Чырвоную кнігу Беларусі раслін, жывёл і грыбоў. Згодна з атрыманымі данымі, на тэрыторыі Беларусі перастаў расці адзін з вядомых відаў моху – меркія ірландская. Маніторынг таксама паказаў, што колькасць папуляцый некаторых відаў раслін, наадварот, вырасла. У далейшым вучоныя збіраюцца высветліць, што менавіта паўплывала на колькасць рэдкіх відаў і прыняць меры, накіраваныя на захаванне "чырвонакніжнікаў". Чацвёртае выданне Чырвонай кнігі Беларусі плануецца выпусціць да канца 2014 года.