Як адзначыў Надзвычайны і Паўнамоцны Пасол Ізраіля ў Беларусі Іосіф Шагала,  гэтая сінагога - унікальны ўзор мастацтва яўрэйскага народа на беларускіх землях, іншага такога помніка ў Беларусі няма. Унікальнасць пабудовы не толькі ў архітэктурнай прыгажосці, але і ў тым, што час не паспеў яе разбурыць. Поўная рэканструкцыя прадугледжвае вялікія грашовыя выдаткі , якія фонд цалкам не зможа прафінансаваць, аднак дыпламат упэўнены, што важна, каб хтосьці пачаў гэтую працу, а астатнія потым абавязкова яе падхопяць.