Чарговае пасяджэнне Савета міністраў абароны дзяржаў - членаў АДКБ адбудзецца 1 снежня. Яно пройдзе па відэа-канферэнц-сувязі. Аб гэтым БЕЛТА паведамілі ў Міністэрстве абароны. У пасяджэнні СМА АДКБ прымуць удзел кіраўнікі абаронных ведамстваў узброеных сіл дзяржаў - членаў АДКБ, а таксама генеральны сакратар АДКБ Станіслаў Зась і начальнік Аб'яднанага штаба АДКБ генерал-палкоўнік Анатоль Сідараў. Беларуская дэлегацыя будзе прадстаўлена міністрам абароны генерал-лейтэнантам Віктарам Хрэніным. У парадку дня - шэраг пытанняў у ваеннай, ваенна-тэхнічнай і ваенна-навуковай сферы. Бакі таксама абмяняюцца думкамі адносна выклікаў і пагроз ваеннай бяспецы ў рэгіёнах калектыўнай бяспекі. Прынятыя ў рамках пасяджэння рашэнні будуць накіраваны на выпрацоўку агульных падыходаў і механізмаў па развіцці ваеннага складніка АДКБ.