Нацыянальная кінастудыя "Беларусьфільм" пачала здымкі поўнаметражнага ігравога фільма "З Восьмым сакавіка, мужчыны!” Над фільмам працуе інтэрнацыянальная каманда з Беларусі, Расіі, Францыі, ЗША. Рэжысёр карціны - Арцём Аксёненка. Здымаць гісторыю ў фармаце галівудскай камедыі будуць у Беларусі і Расіі. У кадры з'явіцца і Нясвіжскі замак. Завершыцца здымачны перыяд у сярэдзіне жніўня ў Расіі. Бюджэт карціны - каля 3 млн. долараў. Прэм'ера фільма будзе прымеркавана да Міжнароднага жаночага дня.