Нацыянальны мастацкі музей аб'яднае гісторыі чатырох краін - Беларусі, Украіны, Польшчы і Літвы. У Мінску пройдзе вялікі канцэрт "Дзень культуры народаў Вялікага Княства Літоўскага"

Праграма разлічана на пяць гадзін. Перад публікай у рамках праекта выступяць беларускі гурт у стылі фолк-мадэрн - "Палац", украінскі "ГІЧ Аркестр" - адзін з самых запатрабаваных фестывальных калектываў, польскі струнны квінтэт "VoLosi", які заваяваў блізкае і далёкае замежжа, а таксама гурт "Aiste Smilgeviciutes & SKYLE ", які сёлета атрымаў прэмію Прэзідэнта Літвы за ўклад у культуру.