Беларускі міжнародны медыяфорум стаў добрай пляцоўкай для абмеркавання прафесійнай тэматыкі медыясупольнасці, сур'ёзных экспертных даследаванняў актуальных праблем сучаснасці, заявіў міністр інфармацыі Беларусі Алег Праляскоўскі падчас пленарнага пасяджэння. Сёлета ў падзеі прымаюць удзел прадстаўнікі краін СНД, Вялікабрытаніі, Латвіі, Літвы, Польшчы і Францыі.
Алег Праляскоўскі выказаў упэўненасць, што ў дні медыяфоруму журналісцкія нататнікі і планшэты папоўняцца імёнамі і кантактамі, змястоўнай інфармацыяй, якія дазволіць чытачам, гледачам і слухачам па-новаму адкрыць для сябе Беларусь.