Міжнародны марафон дружбы ў ліпені злучыць Гродна і Друскінінкай.
Марафон пройдзе ў трэці раз. На гэты раз бегуны стартуюць у Гродне. Дыстанцыя класічнага марафону ў 42 км 195 м.
На працягу дыстанцыі абсталююць пункты харчавання з вадой і садавіной. Пераможцы атрымаюць буйныя грашовыя прызы.
Як паведамілі ў аблвыканкаме, прыняць удзел у марафоне могуць усе ахвотнікі ва ўзросце ад 18 гадоў - як спартсмены, так і аматары з розных краін. Для ўдзелу неабходна загадзя зарэгістравацца на афіцыйным інтэрнэт-сайце марафону.