Праект Anatomia сабраў у Віцебску фотамастакоў з Беларусі, Чэхіі, Латвіі і Францыі, паведамілі ў музеі Марка Шагала.Праект аб'яднаў 16 удзельнікаў, якія падрыхтавалі для экспазіцыі незвычайныя фатаграфіі і арт-аб'екты, убачыць якія можна ў Цэнтры сучаснага мастацтва і музеі Марка Шагала. На суд гледачоў яны прадставілі сваё бачанне аголенай мужчынскай і жаночай натуры. Аб работах у стылі "ню" папярэджвае і надпіс на афішах выставы - 18 +.Праект рэалізаваны сумесна з пасольствам Чэшскай Рэспублікі ў Беларусі, Чэшскім цэнтрам у Кіеве, Консульствам Латвійскай Рэспублікі ў Віцебску.