Дырэкцыя па правядзенні чэмпіянату свету па хакеі 2014 года ў Мінску працягвае работу па папулярызацыі маштабнай і ўнікальнай для нашай краіны падзеі. Для аматараў гэтай гульні створаны старонкі ў сацыяльных сетках. Тут размешчана інфармацыя аб арэнах, лагатыпе, талісмане спаборніцтваў, інтэрв'ю з вядомымі хакеістамі свету, рэдкія фатаграфіі нацыянальнай зборнай Беларусі і многае іншае. У бліжэйшы час на старонках ЧС-2014 у сацыяльных сетках таксама з'явіцца інфармацыя аб правілах бязвізавага ўезду на тэрыторыю Беларусі, інфармацыя для балельшчыкаў аб атэлях Мінска, транспарце, гандлёвых цэнтрах, музеях.