Беларусь далучыцца да еўрапейскага тыдня па пашырэнні доступу ў глабальную сетку "Выходзь ў Інтэрнэт 2013". У нашай краіне ён пройдзе пад дэвізам "Інтэрнэт для ўсіх пакаленняў". Мерапрыемствы плануецца правесці ў Гомелі і Гомельскім раёне, а таксама ў Мінску. Акцэнт будзе зроблены на навучанні людзей старэйшага ўзросту. Прычым дапамагаць ім асвойваць інтэрнэт-прастору, працаваць з сайтамі будуць ўнукі. Такі падыход да арганізацыі заняткаў дасць магчымасць умацаваць сямейныя сувязі.