Каля 2 тысяч кніг з нацыянальнага стэнда Расіі і экспазіцыі "Выдавецкая праграма Урада Масквы "Масква кніжная" на ХХ Мінскай міжнароднай кніжнай выставе-кірмашы перададзены беларускім бібліятэкам. Перадача кніг беларускім бібліятэкам - традыцыя для расійскіх выдавецтваў, якія бяруць удзел у мінскіх міжнародных выставах-кірмашах. Абавязкова перадаецца дзіцячая і навуковая літаратура, класіка, кнігі па геаграфіі і краязнаўстве. На юбілейнай выставе ў Мінску Расія была ганаровым госцем. На яе стэндзе былі прадстаўлены экспазіцыі каля 200 выдавецкіх арганізацый гэтай краіны.