З аншлагу пачаліся першыя гастролі опернай трупы Вялікага тэатра Беларусі ў Вялікабрытаніі. Маштабнае турнэ стартавала ў Віндзары - летняй рэзідэнцыі англійскіх манархаў. У Каралеўскім тэатры беларускія артысты выканалі для мясцовай публікі оперу "Багема" Джакама Пучыні. За першым спектаклем у Каралеўскім тэатры Віндзар рушаць услед яшчэ пяць. Пра гэта ў інтэрв’ю нашаму карэспандэнту Рыгору Міцюшнікаву расказаў першы намеснік дырэктара Нацыянальнага Вялікага тэатра оперы і балета Уладзімір Рылатка.