Альбом "Беларусы ў фотаздымках Ісака Сербава 1911-12 гадоў" з серыі "Энцыклапедыя рарытэтаў" паступіць у продаж у пачатку 2013 года. У выданні сабрана больш за 400 здымкаў беларускага этнографа Ісака Сербава, які ў той перыяд па заданні Імператарскага Рускага геаграфічнага таварыства пабываў з экспедыцыямі ў Брэсцкай, Магілёўскай, Мінскай абласцях. Па фатаграфіях даследчыка можна вывучаць традыцыйную культуру, народны касцюм, архітэктуру Беларусі.