У Беларусі зацверджана дзяржпраграма адраджэння тэхналогій і традыцый вытворчасці слуцкіх паясоў і развіцця вытворчасці нацыянальнай сувенірнай прадукцыі "Слуцкія паясы" на 2012-15 гады. Для Беларусі слуцкія паясы - не проста сімвал, а прыклад нацыянальнага гонару і цалкам сфарміраваны брэнд. Слуцкім паясам прысвечаны шматлікія вершы, песні, танцы, творы выяўленчага мастацтва. Сёння ў беларускіх музеях захоўваецца толькі 11 цэлых паясоў. Тэхналогіі ткацтва, якія выкарыстоўваліся пры іх вытворчасці, цалкам страчаны.