Кансорцыум кампаній на чале з "Эрнст энд Янг" стаў першым фінансавым кансультантам пры правядзенні пілотнага праекта прыватызацыі ў Беларусі. У прыватнасці, прыватныя партнёры акажуць паслугі па прыцягненні стратэгічных інвестараў на "Мінскі маргарынавы завод" і кандытарскую фабрыку “Конфа”. Згодна з кантрактам ў рамках кансорцыума будуць працаваць замежныя эксперты Ernst and Young з офісаў у Расіі, Украіне, Польшчы і Літве. Заключэнне здзелак па продажы пакетаў акцый двух прадпрыемстваў плануецца ў першым квартале 2013 года.