Беларусь і Краснаярскі край павінны актывізаваць інвестыцыйнае супрацоўніцтва. Такое меркаванне выказаў прэм'ер-міністр краіны Міхаіл Мясніковіч на сустрэчы з губернатарам Краснаярскага края Расійскай Федэрацыі Львом Кузняцовым. Кіраўнік беларускага ўрада канстатаваў рост тавараабароту. На думку прэм’ера, ва ўмовах Мытнага саюза, Адзінай эканамічнай прасторы праз стварэнне сумесных транснацыянальных карпарацый можна выходзіць на рынкі трэціх краін, а не толькі працаваць на рынках Беларусі і Расіі.