Навукова-тэхнічныя распрацоўкі Беларускага дзяржаўнага універсітэта ў бліжэйшыя дні прадставяць на Пецярбургскім тэхнічным кірмашы. У экспазіцыю ўвойдуць найноўшыя дасягненні навукоўцаў і даследчыкаў ВНУ ў галіне машына- і прыборабудавання, хіміі і медыцыны, харчовай прамысловасці і біятэхналогій. Падчас кірмашу пройдзе конкурс “Найлепшы інавацыйны праект і навукова-тэхнічная распрацоўка”. У ім паўдзельнічаюць 20 беларускіх  інавацый.