На думку старшыні Савета Рэспублікі Міхаіла Мясніковіча, у дарожнай карце трэба адлюстраваць наступныя асноўныя пытанні: палітычныя кантакты, візіты, узаемную падтрымку на міжнародным узроўні, парламенцкія кантакты. Спікер адзначыў, што Беларусь зацікаўлена ў пашырэнні гандлёва-эканамічнага і іншых відаў супрацоўніцтва з Індыяй. Па яго словах, выкананне плана, які быў прыняты раней, фактычна завяршаецца ў гэтым годзе, таму ўжо можна гаварыць аб сярэдне- і доўгатэрміновай перспектыве развіцця гандлёва-эканамічнага супрацоўніцтва паміж нашымі краінамі. Адна з галоўных тэм, на думку Міхаіла Мясніковіча, -работа над дагаворам аб стварэнні зоны свабоднага гандлю паміж ЕАЭС і Індыяй.