У нямецкім Грайфсвальдзе адкрылася выстава сучаснай беларускай графікі і жывапісу. Экспазіцыя ўключае ў сябе 27 графічных твораў 20 аўтараў з калекцыі Беларускай дзяржаўнай акадэміі мастацтваў і 13 карцін вядомай мастачкі, члена Беларускага саюза мастакоў Ганны Сілівончык. У час адкрыцця дэманстраваліся відэафільмы "Беларусь: адзін дзень з жыцця" і "Беларусь у абдымках зорак", а таксама мультфільм "Выцінанка-выразанка".