Міжнародная місія МАГАТЭ па ацэнцы рэгулюючай інфраструктуры прыбудзе ў Беларусь у 2016 годзе. Нагадаем, у 2012 ў краіне ужо працавала місія па ацэнцы стану гатоўнасці інфраструктуры для будаўніцтва атамнай станцыі. Другая місія будзе разглядаць больш вузкія пытанні, ад яе беларускі бок чакае больш канкрэтных рэкамендацый. Акрамя таго, Беларусь перадала яшчэ адно запрашэнне ў адрас МАГАТЭ накіраваць місію па ацэнцы пляцоўкі і дызайну АЭС з улікам знешніх уздзеянняў.