Рэгіянальны дырэктар Аб'яднанай праграмы ААН па ВІЧ / СНІДзе (ЮНЭЙДС) для краін Усходняй Еўропы і Цэнтральнай Азіі Віней Салдана наведвае Мінск. Падчас візіту ў цэнтры ўвагі - магчымы ўдзел Беларусі ў Рэгіянальнай праграме тэхнічнай дапамогі краінам Усходняй Еўропы і Цэнтральнай Азіі ў галіне прафілактыкі. Рэгіянальны дырэктар мае намер таксама прыняць удзел у XXV пасяджэнні Савета па супрацоўніцтве ў галіне аховы здароўя Садружнасці Незалежных Дзяржаў, дзе будзе абмяркоўвацца Дэкларацыя СНД аб прыхільнасці справе барацьбы з ВІЧ / СНІДам.