Пасол Беларусі ў Фінляндскай Рэспубліцы і ў Каралеўстве Данія (па сумяшчальніцтве) Аляксандр Астроўскі ўручыў даверчыя граматы каралеве Даніі Маргрэтэ ІІ, перадае  БЕЛТА.

Адбылася размова Аляксандра Астроўскага з кіраўніком дацкай дзяржавы аб стане і перспектывах развіцця двухбаковых адносін. Акрамя таго прайшлі сустрэчы пасла Беларусі з намеснікам дырэктара дэпартамента па пытаннях палітыкі еўрапейскага добрасуседства Марыяй Эгензэ і начальнікам аддзела па развіцці адносін з краінамі Усходняй Еўропы Карэн Мелхіёр. Разгледжаны ўвесь спектр беларуска-дацкіх адносін, уключаючы палітычны дыялог, гандлёва-эканамічнае супрацоўніцтва, узаемадзеянне ў гуманітарнай і культурнай сферах.