У межах міжнароднага кінафестывалю «Лістапад» адкрылася выстава «Літоўскія кінаплакаты». Яна ўяўляе сабой рэтраспектыву кінематаграфіі Літвы праз мастацтва плаката.

Падборка копій на сучасных стэндах шырокафарматнага друку дае поўнае ўяўленне аб тэндэнцыях развіцця літоўскага кінаплаката ў перыяд з 1953 па 2010 год. "Мы перажываем Рэнесанс сувязей беларускага і літоўскага кіно", - адзначыў падчас адкрыцця выставы Надзвычайны і паўнамоцны пасол Літвы ў РБ Эвалдас Ігнатавічус.