Беларусь палепшыла паказчыкі па індыкатарах сусветнага рэйтынгу "Вядзенне бізнесу" і заняла 57-е месца, паведамляе БЕЛТА. Найбольш высока эксперты ацанілі тое, што краіна спрасціла працэдуры падаткаабкладання для кампаній. Акрамя таго, Беларусь, згодна са справаздачай, павысіла якасць рэгулявання дзейнасці малых і сярэдніх прадпрыемстваў у такіх сферах, як атрыманне дазволаў на будаўніцтва, ажыццяўленне знешнегандлёвай дзейнасці. Першае месца ў сусветным рэйтынгу "Вядзенне бізнесу-2015" займае Сінгапур. Расія ў рэйтынгу займае 62-ю пазіцыю, Казахстан - 77-ю.