Паток замежных турыстаў у Беларусь у I паўгоддзі 2014 года павялічыўся на 25 працэнтаў. Аб гэтым паведаміў дырэктар дэпартамента па турызме Міністэрства спорту і турызму Беларусі Вадзім Кармазін. Паводле яго словаў, за першае паўгоддзе 2014 года Беларусь толькі ў складзе арганізаваных турыстычных груп наведалі амаль 90 тыс. турыстаў. Найбольшай папулярнасцю ў іх карыстаюцца адпачынак у беларускіх санаторыях і аграсядзібах, экскурсіі па вядомых аб'ектах гісторыка-культурнай спадчыны.