Каля 20 прадпрыемстваў абароннага сектара эканомікі Беларусі возьмуць удзел у першай Азербайджанскай выставе абароннай прамысловасці ADEX-2014, якая пройдзе ў Баку. У форуме плануюць узяць удзел больш за 170 кампаній з 33 краін. Найбуйнейшыя нацыянальныя павільёны прадставяць Польшча, Ізраіль , Азербайджан, Турцыя, Расія, Паўднёвая Карэя, Украіна і Беларусь. Наша краіна прадставіць інфармацыю аб сваіх найноўшых распрацоўках зенітна-ракетных комплексаў, оптыка-электроннай прадукцыі, сучасных аўтаматызаваных сістэм кіравання войскамі і трэнажорнай тэхнікі.