Гэту ўзнагароду яму ўручыла пасол Францыі ў Беларусі Дамінік Газюі на ўрачыстым мерапрыемстве з нагоды нацыянальнага свята Францыі.  Дыпламат адзначыла, што культурныя сувязі паміж Беларуссю і Францыяй вельмі добра развіваюцца. Высокай ацэнкі заслугоўвае і дзейнасць франка-беларускага Цэнтра еўрапейскіх даследаванняў у супрацоўніцтве з універсітэтам у Бардо. Што да эканамічнага супрацоўніцтва, то,  як лічыць пасол, зараз французскія прадпрыемствы ўжо добра прадстаўлены ў Беларусі.