Вытворчае аб'яднанне "Беларуснафта" пашырае аб'ём сэрвісных работ у Расійскай Федэрацыі, паведамляе БЕЛТА. Чарговым рэгіёнам, дзе беларускія спецыялісты пачнуць укараняць прагрэсіўныя тэхналогіі павышэння нафтаадачы пластоў, стане Калінінградская вобласць. Сёлета "Беларуснафта" паспяхова рэалізавала або прадаўжае выконваць кантракты па інтэнсіфікацыі нафтаздабычы ў Валгаградскай вобласці, Стаўрапольскім краі, Чачэнскай Рэспубліцы, Заходняй Сібіры і некаторых іншых расійскіх рэгіёнах.