Плануецца, што на форуме бакі абмяркуюць разнастайныя накірункі двухбаковага супрацоўніцтва на рэгіянальным узроўні, праблемы мясцовай эканомікі, пытанні звязаныя з развіццём турызму ў рэгіёне. У форуме возьмуць удзел прадстаўнікі беларускіх і літоўскіх дзяржаўных арганізацый, органаў самакіравання, грамадскіх і дзелавых колаў. Арганізатары спадзяюцца, што сёлетні форум дасць новы імпульс развіццю і паглыбленню гандлёва-эканамічнага, навукова-тэхнічнага і гуманітарнага супрацоўніцтва паміж рэгіёнамі.