Беларуская чыгунка ўкараніла міжнародную інфармацыйна-даведачную сістэму MERITS-PRIFIS

       Беларуская чыгунка ўкараніла міжнародную інфармацыйна-даведачную сістэму MERITS-PRIFIS, якая дазваляе інфармаваць пасажыраў аб раскладзе руху цягнікоў у Заходняй Еўропе. Усе буйныя пункты продажаў праязных дакументаў БЧ могуць даць пасажырам вычарпальную інфармацыю аб тым, як дабрацца чыгуначным транспартам, напрыклад, ад Варшавы да Рыма, якія перасадкі ў шляху спатрэбіцца зрабіць, колькі будуць каштаваць білеты і г.д. У межах праекта MERITS-PRIFIS створана адзіная міжнародная кліенцкая база, якая дазваляе яго ўдзельнікам развіваць продаж ва ўласных сістэмах рэзервавання па ўсёй Еўропе. Інфармацыя ў базе даных абнаўляецца штотыдзень.