Карыстальнік сеткі "Вконтакте" з Гродна Аляксандр Перагудаў апублікаваў на сваёй старонцы серыю калажаў з фатаграфій, знятых на вуліцах горада ў дні вайны і ў наш час.
Вось ужо больш як 70 год Гродна жыве мірным жыццём, аднак горад яшчэ добра памятае сумныя падзеі той вайны, якая забрала тысячы жыццяў і пакалечыў дзесяткі тысяч лёсаў гараджан. Мы заўсёды павінны захоўваць памяць пра неўміручы подзвіг нашых дзядоў і прадзедаў, якія цаной свайго жыцця падарылі нам мірнае неба , - напісаў Аляксандр, прадстаўляючы сваю працу.